De Plattdütschen

Plattdeutsche Theatergruppe

De Plattdütschen:  Gründung 1983 in Bargum

Anfung hett alles 1983. Bi de Ernteball vun de Landjugend Bargum schull een Theoterstück opführt warrn.   Speeler wurn gau funn. Wie speelten dat Stück

-Dat letzte Föder-.  Dat hett soveel Spoß mukt, dat wi jedet Johr een nüe Stück inövt und speelt hem.  Immer Eenakter, dorno wur denn fiert.  Dormit sind wie uk över de Dörper trucken.  Bi de Theotergruppe geev dat uk rege Personalwessel.  Veer Speeler vun de Gründungstruppe sind hüt noch aktiv.

De Theoterstücke warn gemeinschaftlich utsöcht. Dat Stück, wat am besten passt und de Tostimmung findet, wart speelt.

Vun 1983 bit 1992 weern wi in Bargum in Andresens Gasthof tohus. Wi nennten uns: – Theotergruppe vun de Landjugend Bargum.-

1993 hem wi in´t Andersen Hus in Klockries de schöne Bühne sehn un frogt, ob wi hier mol Theoter öven dörben. No veer Wochen harn wi een Schlötel för dat Andersen Hus un dat weer de erste Schritt, uns de Freesenvereen antoschluten.  Unse Nom änderten wi denn op -De Plattdütschen-

Von 1983 bit 1999 hem wi Eenakter speelt. 10 – 14 Optritte kemen pro Saison tosom. Int Johr 2000 hem wi denn de erste Dreeakter  op de Bühne bröcht.

Dat Reisen över de Dörper weer dormit vörbie. De Opwand vun Bühnenop- und afbu weer to groot. Un de Toschauer kem uk alle gern no Klockries fohrt.

Veele Hölper sind int Andersen Hus aktiv und verwöhn unse Toschauer mit selbst backte Torten und Kaffee.  Obends givt dat in de Stall Klönschnack bi Teepunsch oder Pharisäer.

De Intrittskorden givt dat immer av de 1.- August bi unse Vörverkopsstellen bi Dennis Leu in Niebüll,  Brigitte Jannsen in Lindholm und  int  Andersen Hus. No 6 Wochen sind wi meistens för unse Optritte von September bit Dezember (1. Advent) utverkövt. Wi sind stolz dorop un freuen uns över unse truen Toschauer.

 

De Plattdütschen

 

Zeige alle aktuellen Termine

Kontakt

Silke Friedrichsen
BACK TO TOP
Konzeption, Design und Webentwicklung:2019