Frasche Feriin for e Ååstermååre Risem-Lonham
Iirsfersoomling di 25.3.2024 önjt Andersen-Hüs
Protokol:
Tu 1 Di 1. formoon Hauke Friedrichsen begröötet 110 geeste
Tu 2 Jü däisfüli wårt sü tuleet.
Tu 3 Dåt protokol foon 2023 wårt foon e fersoomling sü tuleet.
Deer san niinj frååge.
Tu 4 Hauke Friedrichsen beruchtet: Stjör än bairädj wjarn 15 tooche tuhuupe, we häin 32 kooste önjt Andersen-Hüs, en göljen koost än iinjtooch sulme. HGV, jääger än rängridere san bai üs tuhüs. Heer wårt knüfelt, da Frasche Loosche schunge, da teooterfloose ööwe än treese ap, Frasch Scheew än Frasche Wüste kaame tuhuupe än di Saandi jeeft et kafe än kååge. Foole tunk uk tu üüs sponsoore än tu üüs ouer 100 friwalie heelper. Di Frasche Een as önj e tukamst önj e Februar än üüs iirsfersoomling önj e Märts.
Foole tunk tu Frauken än Maren for åål jare årbe än uk tu Wolfgang än Catarina.
Jes Holm as nü di garant, dåt et önjt Lonhamer schölj mat frasch widere foram gungt.
Tu 5 Di kaseberucht foon Peter Christiansen:
Hi leest da iinjselne posten for. Üt e fersoomling kame niinj frååge.
Da innoome wjarn 90100 €, da ütgoowe 122300 €.
Tu 6 Jan Friedrichsen deet san beruchtet ouer´t böke präiwen.
Hi säit, dåt åles ulerbeest aw e ra wus än baded deeram kasewart än stjör tu önjtlååsten, wat e fersoomling iinjstimi deet.
Tu 7 Et stjör sloit for, dåt di baitrach sü blaft. E fersooomling as iinjstimi deerfor.
Tu 8 Gröötnis foon da geeste bränge Hans Bruhn foon e gemiinde,
Heinrich Bahnsen foon di Grute Feriin än e Frasche Rädj.
Ute foon e Friisk Forening. Gerd Vader üt Foortuft. Albert Panten üt Naibel. Jes Holm foont schölj.
Tu 9 Frauke Thiesen ferteelt as koordinationsforsater, dåt ja en gou team san, ma Annegret,, Silke, Oke, Jess än Volkert. Bai 11 musikeene, än 13 teootereene wjarn 8000 manschne tu besäk. Tu uurs än harfstmürket wjarn 3800 geeste kiimen. Gödj luked wus ik üüs samerfäst tu 300 iir Andersen-Hüs än 30 iir kultuurtsentrum än en fäst foon e hospiitsferiin.
Tu 10 Sainke beruchtet, dåt leest iir da Mååringer Krädjere Nr. 67 än 68 ütdänj wörden san. Dåt wus di 35. iirgung.
Julius Dohrn beruchtet tu e Frasch Scheew. 15 moon san iinjtooch önj e moune deer.
Da 10 Frasche Wüste drååwe jam iinjtooch önj e moune, ma foole häi.
Maren ferteelt, dåt åle 14 deege knüfeln as än ham en tweeden floose grünläid heet.
Ingrit bruchtet tu da Frasche Loosche, dåt ja sunt 2015 ma 13 wüste arken Moundi schunge. Ja wjarn tu en konsärt önj Hoyer än häin jare jülkonsärt önjt Andersen-Hüs.
Hauke Petersen beruchtet tu Frasch Klüüs. Ja san 6 tooche aptrin än häin deerbai 600 besäker. Hi betunket ham fort grut heelp bai da friwalie, wat deer tiinjst mååge.
Hauke Friedrichsen säit, da Plååttjåsche häin 14 aptreese. Et wus jare 41 stuk önj 41. iir, än dåt ma foole häi deerbai.
Tu 11 Woole:
2. formoon, Volkert Petersen
Et stjör sloit wiwool for, iinjstimi önjnümen.
1. kasewart, Peter Christiansen forsliik wiwool, iinjstimi önjnümen
2. schraftfäärer, Sönke Namanny, forsliik wiwool. iinjstimi önjnümen.
2. baisater, Oke Ertzinger, iinjstimi önjnümen.
- Kasepräiwer blaft Jan Friedrichsen, iinjstimi önjnümen.
Frauke Thiesen as Kordinationsütschusforsater, iinjstimi önjnümen.
Tu 12 Ålerhånd: Nint.
Sönke Namanny